Wanderen mat de « Bettenduerfer » Wanderfrënn Bettenduerf asbl
Hu Dir Loscht gemittlech ze wanderen, alleng, am Grupp, mat Frënn ?
Eis meescht Aktivitéiten sinn um Weekend.
Wann der intesséiert sidd, da schwätzt mat eis !
Eist Ziel ass Wanderen an der freier Natur. Eise Veräin bedeelegt sech regelméisseg d’Weekender un de nationalen an internationalen IVV-Wanderungen, hei zu Lëtzebuerg, mee och am noen Ausland, an Däitschland, der Belscht an a Frankräich. Hei ka jiddereen déi Distanz trëppelen, déi him gefällt, sief et 5, 10 oder 20 Kilometer oder esouguer heiansdo eng 42-Kilometer Marathonstréck.
Fir d’Jugend an awer och fir eeler Leit sinn déi 5-Kilometer-Strecken ideal, well dës och meeschtens flach a nët ze schwéier sinn. D’Komerodschaft an d’Geselligkeet gi bei de Wanderer awer besonnesch och bei de „Wanderfrënn Bettenduerf“ grouss geschriwwen.
Als Belounung fir d’Participatioun kann en eng IVV-Stempelkaart kafen, wou et schonns no 10 Participatiounen den éischten Diplom resp. Spéngel a Badge gëtt, egal wéivill Kilometer e getrëppelt ass. Eng aner Stempelkaart gëtt et och fir déi gewandert Kilometer androen ze loossen. Hei kritt en déi éischt Belounung no 500 Kilometer. Dës Kaarten kritt en op all IVV-Marsch zu Lëtzebuerg ze kafen.
Wann Dir wëllt Member ginn oder nach zousätzlech Froen huet, da meld Iech bei engem vun de Verantwortlechen.
De Joeresbeitrag leit bei 8.- € inklusiv FLMP-Lizenz mat Onfallversëcherung.
Wanderfrënn Bettendorf asbl
Membre de la FLMP dans l’IVV
N° registre de commerce F 220
Kontakt:
Georges KINTZIGER
President
124, an der Kléck
L-9221 DIKRICH
Tel. 691 17 38 25
Email: kintzro@pt.lu
Jos GROEFF
Éierepresident
13, rue de la gare
L- 9353 BETTENDUERF
Tel. 80 82 64
Postadress:
Wanderfrënn Bettendorf
B.P. 94 L-9201 DIEKIRCH